15-маусым. Дәрігерлер күніне құттықтау тілектер.

Арашашы жаныңа,
Қасыңнан кетер табыла.
Ақ халатты дәрігер,
Мерекесі тағы да.
Алғыс болсын алғаның,
Мәртебең асып самғағын.
Еселесін еңбегің,
Өмірдің алып бар бағын.

Еңбегің неткен зор еді,
Кигенің алғыс тон еді.
Құтты болсын мейрамың,
Дәрігер- өмір тірегі.
Дем берген дауа жүрегі,
Науқастың сенер тірегі.
Сыйлаған саулық әр үйге,
Өрлесін бақыт-терегі.

Абзал жан деген ат алған,
Ем беріп көптен бата алған.
Дәрігер ізгі жүректі,
Сап құрған сыйлы қатардан.
Сиремесін қатарың,
Көп болсын дәмің, татарың.
Жол тартсаң жақсы ниетке,
Ақжолтай болсын сапарың.

Жан ашыры баршаның,
Көңілге тыныш дем берген.
Күлім көз көзің бір күлсе,
Сырқатты жаның емделген.
Ауырмай, талмай еңбек ет,
Дәрігер атқа лайық боп.
Бақыттай атты жерге жет,
Болсыншы уайым-қайғың жоқ.

Ақ халатты абзал жан,
Ардақ тұтар өзіңді.
Ем іздеген жандардан,
Сұрар нағыз төзімді.
Емге шипа, дәру боп,
Тілек тілер жазыл деп.
Тек өзіңе зәру көп,
Емің болсын қабыл тек.

Шын дәрігер адамдарға жанашыр,
Керек емес оған ақша байлығың.
Берген анты жүрегінде ол да тұр,
Қорықпайды ауруыңнан қаймығып.
Мұндай жанды кездестірсең сене бер,
Оған АЛЛА нағыз шипа бере гөр.
Бар білгенін аямаған дәрігер,
Алғыс алып, бақыт  нұрға бөленер.

Сіздерге деп арналған бір шатты күн,
Тілек тілеп айғайлайды бір тәтті үн.
Дәрігерлер күні әрқашан құт болып,
Әрқашан да бақытты боп шат күлің.

Бала біткен бәрі қорқып жүретін,
Бірақ оның қолы жұмсақ келетін.
Дәрігердей абзал жанға лайықсың,
Талай ауру-сырқауды өзі жеңетін.

Әр күніңіз жеңістерді құрасын,
Емделушің тек бақыттан жыласын.
Алғыс алып ондаған мың адамнан,
Ең соңында болсын орның шынар шың.

Қолың шипа, дертке дауа сөздерің,
Жылу берер күлімдеген көздерің.
Денсаулығың мықты болсын,дәрігер,
Көп болсыншы ауру жеңген кездерің.

2 комментария на «“15-маусым. Дәрігерлер күніне құттықтау тілектер.”»

  1. Гуля:

    Құрметті tilekter.kz сайты! Сіздерге көп- көп рахмет!

  2. Венера:

    Қажетіңізге жарағанымызға қуаныштымыз!

Добавить комментарий

Ваш e-mail не будет опубликован. Обязательные поля помечены *

http://tilekter.kz/wp-content/plugins/wp-monalisa/icons/wpml_bye.gif 
http://tilekter.kz/wp-content/plugins/wp-monalisa/icons/wpml_good.gif 
http://tilekter.kz/wp-content/plugins/wp-monalisa/icons/wpml_negative.gif 
http://tilekter.kz/wp-content/plugins/wp-monalisa/icons/wpml_scratch.gif 
http://tilekter.kz/wp-content/plugins/wp-monalisa/icons/wpml_wacko.gif 
http://tilekter.kz/wp-content/plugins/wp-monalisa/icons/wpml_yahoo.gif 
http://tilekter.kz/wp-content/plugins/wp-monalisa/icons/wpml_cool.gif 
http://tilekter.kz/wp-content/plugins/wp-monalisa/icons/wpml_heart.gif 
http://tilekter.kz/wp-content/plugins/wp-monalisa/icons/wpml_rose.gif 
http://tilekter.kz/wp-content/plugins/wp-monalisa/icons/wpml_smile.gif 
http://tilekter.kz/wp-content/plugins/wp-monalisa/icons/wpml_whistle3.gif 
http://tilekter.kz/wp-content/plugins/wp-monalisa/icons/wpml_yes.gif 
http://tilekter.kz/wp-content/plugins/wp-monalisa/icons/wpml_cry.gif 
http://tilekter.kz/wp-content/plugins/wp-monalisa/icons/wpml_mail.gif 
http://tilekter.kz/wp-content/plugins/wp-monalisa/icons/wpml_sad.gif 
http://tilekter.kz/wp-content/plugins/wp-monalisa/icons/wpml_unsure.gif 
http://tilekter.kz/wp-content/plugins/wp-monalisa/icons/wpml_wink.gif